فى فبراير من العام الماضى دخلت إلى عالم التدوين وتتزامن نهاية السنه الأولى مع نشر بوست لى فى العدد الثالث من مدونات مصرية للجيب ..الكتاب بعنوان "أنا أنثى"
أما البوست المنشور لى فهو من أوائل ما كتبت وأول تعليق على الاطلاق وصلنى كان على هذا البوست
فهو يعد بدايتى الحقيقية فى عالم التدوين فله ذكرى لا تنسى فلا أحد ينسى أول تعليق
الكتاب سيتوافر بمعرض الكتاب وسيكون حفل التوقيع الأول يوم الجمعة القادم 6 فبراير فى تمام الرابعة بعد الظهر
بصالة 3 الدور العلوى - جناح دار اكتب للنشر
الكتاب يضم ما يزيد على عشرين تدونيه
وقد تم نشره بواسطه دار "دون" للنشر والتى أسسها أحمد مهنا و أحمد البوهى
بالتعاون مع دار اكتب
طبعا انا خايفة جداا من أن تكون تدوينتى ليست على مستوى باقى المشاركات
تهنئة لجميع الاخوات المشاركات وخاصة صديقتى العزيزة جنى صاحبة مدونة "جنى الجنتين دان"
أنا أشارك باسمى الحقيقى وستعرفونى من عنوان البوست " الزوجة الثانية"
أرجو أن يلقى الكتاب قبولا لديكم
فى انتظار انطباعاتكم عن الكتاب عامة وتقييمكم لما كتبت بصورة خاصة
هناك 36 تعليقًا:
مبروك
و دائما من يخاف ينجح
ااسف لعدم استطاعتي الحضور لظروف سفري
قد لا تشعرين بمدي سعادتنا بتقدمك و نشر عصارة افكارك جعلها الله لك صدقة جاريه لك و نفع بها الناس
لو تيسر لي الحصول علي نسخه اكون من الشاكرين و لا اعرف كيف و اكيد فيه طريقه
تهنئتي ازفها اليك مع امنياتي بدوام الرقي و التقدم
تحياتي
كل سنة تدوينية وانتى بألف خير
أما عن الكتاب فمش حاقولك رأيى تانى فى مشاركتك فيه عشان مأثرش على رأى حد
..
اوائل ما كتبتى واواخره كان بنفس الروعة والتمكن...فمدونتك نجمة فى سماء التدوين منذ بدأتيها يا جنة
مكنتيش قلتى بقى على اسم التدوينة ...كده الكل حيقراها عندك ومش حيشتروا الكتاب
هههههههههههه
جزيل الشكر حبيبة قلبى على التنويه عن مشاركتى
انا كان ليا الشرف انى معاكى فى نفس العدد..ربنا يجمعنا فى جنته زى ما جمعنا فى كتاب واحد
الف مبروك ..ربنا يجعله فاتحة خير عليكى ...ويسعد ايامك كلها يارب العالمين..
مبروك يا جوجو الف مبروك
ومن نجاح الى نجاح ان شاء الله
الف مليون مبروووك
وبالنجاح الأكيد باذن الله
وكل سنه تدوين وانتى طيبه
الف مبرووووك و بالتوفيق دائما يارب
و كل سنه وانتى طيبه و منوره عالم التدوين بروحك الصافيه الجميله و رقتك و احساسك الصادق و المرهف ..
دمتى لى اخت و حبيبه فى الله
دمتى بكل الود و الخير
تحياتى
الف الف مليار مبروك يا جنة
انتى تستاهلى كل الخير
وان شاء الله تلاقى ردود فعل طيبة على موضوعك
وفقك الله الى ما يحبه ويرضاه
وحشتينى جدا
اوى موت
مبروك يا جنة
وحشتينى اوى
هتجى امتى عايزة اشوفك
جنة مبروك .. الف مبروك
الاهم من ده انتى هتكونى موجودة فى الحفلة ؟ نفسى اشوفك بجد
وبعدين انت خايفة من ايه .. ده انتى ماشاء الله عليكى اسلوب يدخل اجدعها قلب
ان شاء الله المرة الجاية يكون لكى كتاب لوحدك
و كل سنة و انتى دايما فى قلوبنا
:) ممكن تمضيلي في الاتوجراف من فضلك :)
مبروك يا حبيبتي
ربنا يسعدك ويفرح قلبك ومن نجاح لنجاح اكبر يرضيكي ويرضي ربنا عليكي :)
السلام عليكم
الف مبارك ودايما يارب موفقة في كل حياتك ..
مش هقول الف مبروك ليكي هقول الف الف مبروك علينا وجودك معانا
بجد انتي حد بعتز بوجوده جدااااااااااا
جنة
ازيك
و ألف مبروك يا عزيزتى
ربنا يوفقك و يكرمك دايما
أنا كمان شرحو زيك تمام
إبتديت التدوين فى يناير و الكتاب أهو نازل فى نفس اليومين دول
إحنا بقينا دفعة واحدة
يعنى ننده بعض كدا و نقول
يا دوفعااااا
ألف مبروك عليكى
و علينا
و لولا سمعت خبر الفارس الملثم لكان الواحد حس بالفرحة الكاملة
أنا صحيح معرفوش و معلقتش عنده
لكن الواحد حاسس برهبة كدا
و إنه زميل و قد رحل
و الحزن عليه حاضر و واجب
تحياتى يا عزيزتى و من نجاح لآخر إن شاء الله
أحوال الهوى
الله يبارك فيك
انا زى حضرتك مش هحضر لانى اعمل فى السعودية ولن اعود الا فى الصيف ان شاء الله
انا الحقيقة بشكرك لانك قارىء جديد للمدونة ومع ذلك تسعد من اجلى
والله انا شخصيا لن استطيع الحصول على نسخة فى الوقت الحالى والا كنت خليتهم 2 وبعت واحدة لحضرتك
تحياتى
----------------------
جنى الجميلة
حلوة سنة تدوينية تشعرنى بان قياس الزمن مختلف والحقيقة هو فعلا كده
السنة اللى فاتت كانت مليانه أحداث وعرفت فيها أصدقاء كثيرين اعتز بهم
وطبعا انتى واحدة منهم يا جنى
يعنى حكاية نجمة دى كتير عليا قوى ..لو انا نجمة تبقى انتى ايه شمس ولا قمر
انتى مش واخده بالك انى عملت ناصحة ومحطتش اللينك
ربنا يكرمك يا جنى ويجعلها صحبة طيبة فى الدنيا والأخرة
وعقبال يارب كتابك الخاص
اما انا فلا أجرؤ على الحلم
الله يبارك فيكى ومبروووك ليكى ولجميع المشاركات
انا معتمدة على الله ثم عليكى علشان اعرف اصداء الكتاب
تحياتى
---------------------
أميرتى الجميلة
يا مدلعانى انتى
الله يبارك فيكى يا قمر
-----------------
blue wave
الله يبارك فيك يا دكتور
وشكرا على زيارتك وكل سنة وانت طيب
-----------------
روفى
يعنى مش بعرف ارد على كلامك الجميل ده
الله يبارك فيكى وكل سنة وانتى بالف خير
وكل سنة واحنا اصدقاء
ويارب يديم بينا الود والحب
تحياتى
-------------------
نهر الحب
بلدياتى الجميلة
الله يبارك فيكى
انتى طبعا متحيزة ليا لكن برضه يهمنى رأيك وفى انتظار انك تقوليلى رد الفعل ايه
انتى عارفه انا هنا مش عارفه قوى
وكان نفسى اكون موجودة
لكن الحمد لله
تحياتى لكل اصدقائى فى بورسعيد
-------------------
هى فوضى
نسمة ..الله يبارك فيكى..وحشانى جداا
ان شاء الله منصف يوليو
مشتاقه ليكم كتير
بلغى سلامى لكل اصدقائنا فى بورسعيد
تحياتى
-------------------
مدونون من اجل فلسطين
ان شاء الله ازور المدونة
تحياتى
---------------
قوس قزح
الله يبارك فيكى يا داليا ويطمنك يارب
والله انت وآبى واحشنى جداا
لكن انتى عارفة مش هقدر احضر
يارب نتقابل فى الصيف فى بؤجة الخير
والله يا داليا انتم نعم الأصدقاء وكلامى بيدخل قلوبكم علشان الحب المتبادل بينا
زيارتك لمدونتى دايما بتسعدنى
تحياتى
----------------------
أليس فى بلاد العجائب
زيارتك اسعدتنى جداااا جدااا
الله يبارك فيكى
دعوتك جميلة
انا فعلا محتاجة رضى ربنا ..يارب يرضى عنا جميعا
توقيع مرة واحدة ..يااااه هتخلينى اعيش فى الدور :)
تحياتى
---------------------
جنى
وعليكم السلام ورحمة الله وبركاته
الله يبارك فيك يا استاذ سعيد
واشكرك لدعائك ولك مثله
------------------
كيارا
ازيك ؟؟ منورانى بجد
وشكرا على شعورك الجميل ده
انا اللى مبروك عليا صداقتكم
فاتيما
ازيك يا أم يوسف
عاملة ايه يا دفعتى
الله يبارك فيكى ومنورانى
يارب الكتاب ينجح والبوستات كلها تعجب الناس
انا سمعت فعلا الخبر ونويت ان شاء الله ادعيله فى العمرة
ربنا يرحمه ويغفرله
ان برضه زيك معرفوش الا كاسم فى عالم التدوين وعمرى ما علقت عنده ولكنه فى النهاية له علينا واجب الدعاء
تحياتى ..نورتى يا ام يوسف
الف مبروك ياحبيبتى
وعقبال ماتنشرى كتاب خاصى بكى
وماتقلقيش انتى قد المستوى واكتر شوية كمان:)
وكل سنة وانتى ومدونتك بخير
دائما ماتترك التجارب الأولى فينا أثرا لا يمحى ..
أنتى بقة اتنشرلتك فى كتاب ..
مبررررررررررررررررررررررررروك
و عقبال مانشوف كتاب خاص بيكى لوحدك
تمنياتى بدوام التوفيق
مبروك الف مبروك...
و عقبال ان شاء الله ما تنزلي كتاب ليكِ وحدك في دور النشر...
و تعملي كمان حفل نشر و توقيع ع الكتاب :)
الخوف شي طبيعي...بس لا تحطي ف بالك..ما تمت الموافقة على نشر تدوينتك إلا لأنها تستحق
تحياتي
جنون عاقل
ده افضل تقدير لانسانه فى حجم حضرتك يا طنط ؟
دكتورة جنة
مش عارف ابتدي منين بس لازم ابتدي بسرعة لأن كل الكتاب المبدعين اللي زي حضرتك دايما بيكون وقتهم "سمين" (محتاج دايت)
طيب ندخل في الموضوع
أولا مليون مبروك مش هتبقى كفاية بس للأسف دول اللي معايا دلوقتي :)
ثانيا أنا عارف أول تعليق كان من مين وساكن فين وإسمه ايه ولابس ايه دلوقتي :)))
ثالثا بما إنك بقيتي مشهورة فاسمحيلي إني أبدأ عمليات الابتزاز "أنا معايا نسخة من البوست ده يا دكتورة وممكن أنزلها عندي في المدونة وأخلي الناس يقرؤها ببلاش"
المطلوب
دعوة حلوة في الروضه الشريفة يوم الجمعة الجاية في تمام الساعة الرابعة بعد الظهر في نفس وقت حفل التوقيع (لزوم الحبكة الدرامية)
لو حاولتي تبلغي شرطة المصنفات هكون موزع مليون نسخة من البوست ده على كل المدونات واللي مايشتري يقرأ ببلاش :)))))
بجد أنا فعلا سعيد ليكي جدا
مع تمنياتي ليكي بدوام التفوق
مع خالص تحياتي
مش بيقولو من خاف سلم ؟؟
الف مبروك يا جنه وكل سنه وانتى طيبه بمناسبة مرور عام وعقبال 2546.5 سنه
وكملى بالتوفيق انشاء الله
السلام عليكم ورحمة
الله تعالى وبركاته
وكل سنة ولحظة وانتى
طيبة وبالف خير
انا كمان حاكمل سنة
فى نهاية فبراير هذا
كان نفسى اعمل حفلة
كبيرة لكن الظروف اقوى منى
مرة تانية مبروك ودايما فى تقدم
مبروك يا جنة
و عقبال الكتاب الخاص إن شاء الله...
...تحياتي ...
ألف مبروك على نشر التدوينة في كتاب انا انثى
وعقبال ما نشوف لك كتاب كامل من تأليفك
قولي امييين
الف مليون مبروك
وكل سنة وانتى طيبة
وعقبال 100 سنة تدوين
تستاهلى كل خير يا دكتورة
تحياتى وتقديرى
اهلا بيكي طبيبتنا الفاضلة
أخبار جميلة ماشاء الله مبارك وأكيد هيبقي عمل متميز لشخصية متميزة ان شاء الله
هقرا الكتاب "عشان خاطرك بس " وهقوللك رأيي أكييييييييييد
أشكر ليكي مرورك الدائم وأعتذر وبشدة عن تقصيري وأرجو تقبل عذري لأني فعلا ومش هخبي عليكي متبهدل
مش عارف تحسي الدنيا مرة واحدة كدة بتقفل من كل مكان ومش بيبقي فيه غير مكان واحد بس " النظر لأعلي " فأنا اليومين دول نظري موجه لأعلي بس وأسألك الدعاء لأني أحتاج الدعاء وبشدة
أحييكي جدا ويارب دايما نسمع عنك كل أخبار طيبة وتبقي لنا خير عون ودعم
تحياتي
بالتوفيق.................
ألف ألف مبروك
تستاهلي كل خير و الله يا دكتورة
ربنا يوفقك و يكرمك أكتر و أكتر
تصحيح بسيط لأن الدكتورة جنة مش موجودة النهاردة تكتبه بنفسها وحترجع بكرة ان شاء الله
حفل التوقيع اتأجل ...يعنى مش بكرة ..وحيكون ان شاء الله مع حفل توقيع الكتاب الساخر واللى لسه ماتحددش ميعاده
تيجى بالسلامة جنة
مبروك ياجميلة
وعقبال كتابك الخاص
:)
مليون مبروك وبالتوفيق بإذن الله
وإن شاء الله يكون كتاب هايل
طمنينا عليكي يا حاجة :)
يا رب تكوني افتكرتينا :)
مبروووووووووووووووووك جدا جدا....انا هشتريه طبعا اكيد لكن لما ينزل اسكندرية لانى مروحتش المعرض...بجد انا مبسوطة عشانك جدا جدااااااا
الف مبروك يا دكتوره
وللأسف أنا في الغردقه وإلا كنت
إتجهت فورا لحفل توقيع الكتاب
ولكني بإذن الله في اولى زياراتي للقاهره
سأحرص على الحصول على الكتاب
ودايما من نجاج لنجاح يا فندم
تقبلي خالص تحياتي
موناليزا
جزاك الله خيرا ..كتاب مرة واحدة معتقدش
قولى تدوينة كمان ممكن
كل سنة وانت بالف خير ..دايما اخت وصديقة لا اتصور التدوين بدونها
تحياتى
-------------------
خالد
الله يبارك فيك ..صحيح كان بوست من اوائل ما كتبت و الظاهر انه كان يجيى منه وانا مش عارفه
كتب ماشى وترسمله الغلاف طبعا بدون مقابل..هدية يعنى:)
استغلال بقى
تحياتى
--------------------
ماى بى سون
او سوووو سون زى ما انا بفضل انها تبقى كده
الله يبارك فيك
انت عندك موهبة وانت اللى ان شاء الله بعد الدراسة ممكن تفكر تنشر كتاب
بس لازم يكون من نوع خاص
لانه لازم نكتبلك تعليقات عليه:)
ربنا يكرمك
تحياتى
-----------------------
صوت من مصر
ازيك يا محمد؟؟
طبعا طنط ..مش انت قد اولاد اختى ..ابقى انا طنط
وربنا يكرمك يا محمد
تحياتى
----------------------
باشمهندس مصرى
2 مليون الله يبارك فيك
كده ابقى انا رديت على التهنئة مظبوط
صح ولا مش بعرف أعد
اصدقائنا المشتركين عارفين انك صاحب اول تعليق
انا عارفه انك فرحان ليا لان البوست له ذكريات فى همسات مصرية ودى حاجة متتنسيش
تحياتى
محمد عتلم
فعلا بيقولوا كده ويارب تيجى سليمة
الله يبارك فيك
تحياتى
NORAHATY
وعليكم السلام ورحمة الله وبركاته
الله يبارك فيكى يا دكتوره
وكل سنة وانتى طيبه
الحفلة ممكن تكون على المدونة يعنى تورته وكده ..اكيد هيكون زوارك سعداء بمشاركتك المناسبة
نورتى المدونة
تحياتى
--------------------
الهدهد الطائر
الله يبارك فيك ويارب مش هقول غير كده
تحياتى
--------------------
أحمد سعيد بسيونى
اهلا بيك
الله يبارك فيك
وآمين
تحياتى
----------------
أبو همس
الله يبارك فيك ويحفظك
وكل سنة وانت طيب ودايما اخوة فى الله
تحياتى
----------------
د.غنيم
الله يبارك فيك
طب الحمد لله انك هتشترى الكتاب علشان تقولى رأيك
ان شاء الله تكون سحابة وتعدى
ربنا كريم بس انت خليك معاه وان شاء الله هو مفرج الكروب
ان شاء الله فى اول عمرة اذهب اليها سأدعو لك كثيرا وارجو من الله ان يتقبل
تحياتى
---------------------
مهندس مصرى
الله يبارك فيك ياباشمهندس
وشكرا لكلامك اللى اسعدنى
ربنا يكرمك
تحياتى
-----------------
جنى
بجد الف شكر على التصحيح واتمنى ان شاء الله تكونى موجودة فى حفلة التوقيع لانك هتكونى عينى اللى هشوف بيها الحفل
المدونة مدونتك يا جنى وفى اى وقت اكتبى اى حاجة
بعد كده لما اسافر هسيب معاكى نسخة من المفتاح محدش ضامن الظروف:)
احبك فى الله
تحياتى
-----------------------
Dr. Roufy
الله يبارك فيك يا دكتورة
نورتى المدونة
تحياتى
--------------------
محمد غالية
الله يبارك فيك يا محمد ويارب الكتاب ينجح وتدوينات المشاركات كلها تعجب الناس
تحياتى
------------------
أليس فى بلاد العجائب
والله اسعدتينى بسؤالك
الحمد لله العمرة كانت رائعة
ومقدرش طبعا انساكِ ابدا
تحياتى
------------------
انجى القمر
الله يبارك فيكى وعقبال ما يصدر لك كتاب يا انوج
انت كاتبة متميزة وان شاء الله يتحقق حلمى لك
بتنورينى دايما وبصراحة بشكر طارق انه عرفنى بيكى
تحياتى
-------------------
ahmed_K
الله يبارك فيك يا أستاذ أحمد
والحفل للاسف تأجل وان شاء الله أعلن عن الموعد الجديد
وفى انتظار رأيك فى الكتاب عامة وفى تدوينتى خاصة
تحياتى
يارب تستفادى من مدونتى الاسلاميه دى هاتفيدك جدا
http://noureldens.maktoobblog.com
ادعيلى ياخت جنه ربنا يكرمك
إرسال تعليق